الرئيسية › منتديات › مجلس الأصدقاء والمرح › لا تقرأ الموضوع (تبي تموت من الضحك)
- This topic has 20 رد, 9 مشاركون, and was last updated قبل 22 سنة by North-Star.
-
الكاتبالمشاركات
-
21 سبتمبر، 2002 الساعة 6:27 م #11702نظرة غموضمشارك
مستعجل ومتحمس بعد/
موقف ما راح انساه كنت داخل مسجد وقت المغرب ومتأخر والامام يقرا في
سورة بعد ما خلص من الفاتحة وكان الميكرفون متعطل المهم دخلت متحمس
وبالحق على الصلاة معهم الا وعلى دخلتي اسمع الامام يقول (ضالين ) وانا على
دخلتي كبرت وقلت آمين .. الا واللي في الصف الاخير ماتوا من الضحك وقطعوا
صلاتهم .. وانا احسب الامام في الفاتحه وهو يقرا سورة ثانية .. وسكت الامام
شوي وكأن وده يضحك .. واناما علي قاصر ضحكت معهم المضحك اني كنت
متحمس****
الشغاله/
اتصلوا علينا المطار قالوا ترى شغالتكم وصلت .. وعلى شان
نفتك من تفويض استلام رحت بنفسي أخذ الشغالة … المهم وصلت المطار وخذت
الشغالة بطبيعة الحال معها شنطه فيها ملابسها .. استلمت الشغاله وطلعنا
للسيارة فتحت شنطة السيارة على شان تحط شنطتها .. تفاجأت … أن الشغاله
مدت رجلها بتركب في الشنطه قدام العالم .. وانا ما مسكت نفسي ما قلت لها لا
قعدت اضحك وما مسكت نفسي وقمت أشر لها على شان تنزل والعالم تضحك ..
المهم في الاخير نزلت من الشنطه .. بس بعد ما كل الموجودين جاهم مسيل
الدمووع من الضحك****
ويش اللي صار/
فيه وحده من القديم تستحي مرة مرة .. ولما تزوجت كانت
تستحي حتى تتكلم مع زوجها .. وكانوا الحريم يلومونها على هالحياء الزايد
ويقولون لها لازم تحكين مع زوجك و تمزحين معه تدفينه بيدك مثلاً .. وصممت
هالمرأة على كسر هالحاجز من الحياء الزايد … ومرة من المرات هي وزوجها
بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي
تبسم .. تدحرج المسكين وترن ترن مع هالدرج الى ان وصل آخر درجة وهو بعد
ما استوعب وش اللي صــــــار …****
تحريك جو/
فيه وحده تقول في اول ايام زواجي طلب مني زوجي ان افتح
له علبة بيبسي .. وبغيت احرك الجو بشي من الفرفشة .. قمت وفتحت العلبة قدام
وجهه و… يا للهول طاااااااش البيبسي على وجه وملابسه والجدار .. وانا مع
خوفي جتني حاله هستيرية من الضحك وانا اشوف هالموقف ..****
تطبيق واقعي/
وفيه وحده بعد تقول في الاسبوع الاول من زواجي حلمت اني
العب مع اخواني وقام اخوي الصغير واخذ شي من اغراضي وقمت الحقه حتى
مسكته وقمت اضربه واصفقه .. يوم توقظت لقيت اني اضرب زوجي !!****
وقـــفـــه موسيـــقيه /
سبب واحد/
وحده تقول قبل المغرب كانت امي تامرنا بفتح الشبابيك حتى
يطلع الذباب برا ومرة من الايام سألت المعلمة : لماذا نفتح النوافذ في منازلنا ؟
ورفعت اختي الصغيرة يدها ، وقالت وهي متحمسة : علشان نطرد الذباب
يااستاذه****
الحمدلله انتهت/
كانت اختي جالسة عند التلفزيون أثناء استعراض برامج الغد
وجاء في العرض ( ثم نقدم لكم نشرة الاخبار المصورة الثالثة والاخيرة ) فرحت
أختي مرررة .. وراحت لأمي : يمه يمه الحمد لله خلصنا من الاخبار بكرة الحلقة
الاخيرة …****
الدش/
واحد من الاطفال سمع كثير عن الدش ومخاطرة .. وانه فاسد
وحرام .. وكان عند احد معارفهم ( دش ) وهالطفل ما يعرف وش هو بالضبط ..
فقال : ال فلان عندهم دش اللي يغسل منه يصير كافر****
براءه/
رن هاتف المنزل وردت اختي الصغيرة .. وسالتها المتصلة :
وين الوالدة ؟ قالت اختي وببراءه : ماعندنا احد والد اليوم****
من زود الفرحه/
شرح لي أخوي مادة القواعد حتى فهمتها .. وفي الامتحان
جاوبت تمام التمام … وطلعت مسرعة من المدرسة لسيارة أخوي ركبت بالمقعد
اللي وراء وطقيت كتفه وقلت مشكور يـ اخوي جاوبت زين بالامتحان .. رد علي
بهدؤ وقال : أنا آسف ماني أخوك غلطانه في السيارة****
انــــــــــا ميــــــن ؟؟!!! /
توني شاربه/
مرة جلست جنب عجوز كبيرة وأعطتني ميراندا .. وقالت :
خذي افتحيه ، قلت : شكرا شكرا توني شاربه قالت : خذي افتحيه لي أنا !!
وقتها ضاع وجهي وقلت : الحمد لله أني ما فتحته وشربته .****
نعم الهديه/
في زواج أحد قريباتي أخذت لها هدية عبارة عن خاتم …
سلمت عليها وباركت لها وعطيتها الهدية .. وبعد ساعة احتجت للشنطة وفتحتها
ولقيت علبة ثانية للخاتم بدا قلبي يخفق فتحت العلبة وإذا الخاتم فيها .. مصيبة
أعطيت العروس علبة فارغة****
مستعجل/
كان اخوي جالس في مكتب المدير .. اتصل واحد ( يبي
المدير ) رد عليه أخوي وقال له : المدير في دورة المياة .. فقال المتصل : كم
التحويلة****
هدي اعصابك وانت تقرأ !!!
باص البنات/
هذا واحد ما ودي اقول اسم الشهرة حقه طبعا عندنا … هذا
مسوي مغزلجي كتب له رقم في ورقه كبيره على شان يكون رقمه واضح عند
البنات مر من جنبه باص زجاجه مظلل شوي ومليان .. قال بس هو اللي انا ابغى
طلع الرقم من الدرج وصار يشر للي في الباص وهم يطالعون وش عنده ومره
يجي من يمين الباص ومره شمال وقف عند الاشارة قال فرصتي ويفتح
الشباك حق السيارة على شان يكون رقمه اوضح فجأه انفتح شباك الباص اللي
من جهته … انبسط صاحبنا .. واكتمل فتح الشباك الا وصاحبنا يفتح عيونه زين
الا صار باص عمال .. ويلملم قطع الغيار اللي طاحت من وجهه وياخذ يمين …..وبس****
من شب على شيء/
فتاة قد تعودت هي وأخوتها إذا مـر أحدهم بجانب الثاني مـد
رجله ليسقطه على الأرض ،،، فلما تزوجت وفي -الأسبوع الأول – من الزواج
وحين نهض الزوج من وجبة الغداء لغسل يديه مــدت الفتاة رجلها – كالعادة –
فسقط الزوج وكسرت ذراعــه واما الفتاة من شدة خجلـها من الموقف ذهبت
لأهلهـا !!!!!****
الصدق زمان/
فتاه سألت جدتها عندما سافرت بالطائرة لأول مرة ، حيث
جاءت المضيفة وقدمت لها الطعام ، فما كان منها إلا أن قالت : والله لو أدري
أني أبكلف عليكم ماجيت !!!****
تضامن شديد/
تقول بعد تخرجي من الجامعة عينت ( مرشدة تربوية ) في
أحدى المدارس ، وفي أول عملي جاءتني طالبة وأخذت تحدثني عن شعورها
تجاه فقدها لأمها التي توفيت منذ سنوات ، وأخذت تشرح لي شوقها إليها ،
وافتقادها لها في كثير من المواقف التي تواجهها ، وأنها ….. وقامت الطالبة
عن مقعدها ، وأمسكت بكتفي وهي تحاول تهدئتي ، وتطلب مني التوقف عن
البكاء****
وينها/
أختاي الصغيرتان كانتا تسمعان أن في المدرسة شيئاً
يقولون له ( فسحة ) وفي يومهما الدراسي الأول جاء موعد الفسحة ، فأخذتا
تبحثان في كل أنحاء المدرسة عن هذه ( الفسحة ) !! وانتهى الوقت وهما لم
تجدا ضالتهم المنشوده****
مــــــــــــــــــاراح تموت ضحكت عليـــــــــــك !!!
تحيـــاتــي …
نظرة غموض
23 سبتمبر، 2002 الساعة 12:51 م #378724معذب البناتمشاركبصراحة كل موضوع أحلى من الثاني وكلهم يقتلوا من الضحك
نريد المزيد ……
معذب البنات
24 سبتمبر، 2002 الساعة 12:55 م #378805نظرة غموضمشاركاهلـــين اخوي .. معذب البنات
خذ هذه …
اهبل .. تزوج قالوا له مين اخذت قال بنت ..
قالوا ياغبي فيه احد ياخذ رجل
قال ايه :: أختي …؟؟محشش صدم اثنين الاول مات والثاني نزل يهاوش
قاله المحشش : شوف خويك مات ما قال شي ..؟؟تــحياتي …
نظرة غموض
24 سبتمبر، 2002 الساعة 3:21 م #378813أكشنمشاركنكات حلوه مشكورين عليها
24 سبتمبر، 2002 الساعة 5:55 م #378823لينــــــــامشاركمساء الخير..
نظرة خدي هاذي..عملت عملية في انفي من اسبوعين تقريباً و اليوم اكتشفت انه في انفي لسا في غرزة منسية من يوم العملية (جاتني جلطة قلبية)
سلالالالالالالالالالالالالالالالالالالالالالام25 سبتمبر، 2002 الساعة 3:34 ص #378840بن لادنمشاركالسلام ةعليكم
نظرة غموض تراش قتلتينا من الضحك
شوي شوي علينا
المرة القادمة سويها نكته نكته25 سبتمبر، 2002 الساعة 5:00 ص #378845reemaمشاركبسم الله الرحمن الرحيم
صباح الورد
الموضوع واااايد حلو وموقف واحد زيادة كان ممكن يسبب في موتي من الضحك .
على العموم شكرا وننتظر المزيدغداً تموتين.. غداً تحملين على الأعناق.. أتدرين إلى أين ؟! إلى حفرة ضيقة مظلمة توضعين فيها وحيدة .. لا أنيس ولا حبيب إلا الدود !!
ما بالنا نتعامى عن مصائرنا ننسى بغفلتنا من ليس ينسانا
26 سبتمبر، 2002 الساعة 6:55 ص #378975نظرة غموضمشاركاهلـــين اكشن
اهم شيء انها عجبتك
دمت لنا …تــحياتي …
نظرة غموض
26 سبتمبر، 2002 الساعة 6:59 ص #378977نظرة غموضمشاركاهلـــين لينــا
دوري هنا والا هناك
وخذي يمين وبعدين يسار
اخاف يكونوا نسيوا الإبرهتــحياتي …
نظرة غموض
26 سبتمبر، 2002 الساعة 7:02 ص #378978نظرة غموضمشاركاهلـــين بن لادن
لسى تو الناس على القتل
وترى مـــــــــــــــــاعندى تخفيضات
الا لو تحط الباقي على حسابكتــحياتي …
نظرة غموض
26 سبتمبر، 2002 الساعة 7:15 ص #378980نظرة غموضمشاركاهلـــين reema
الحمد لله على السلامه
عدت على خير وانكتب لك عمر جديدخذي هذه بس خفيفه
اخاف تروحين فيهابدويه انحاشت من بيت اهلها وركبت تاكسي
سألها التاكسي وين تبين تروحين ؟
ردت عليه ماقلت لأهلي عشان اقولك.بخيل مع ولده دخلو بقاله قال الولد : يبه احب الكتكات
قال ابوه : حبه ورجعه.عصبي اوجعه ضرسه راح لدكتور
قاله اخلع كل ضروسي الاهو خله عناد! !تــحياتي …
نظرة غموض
26 سبتمبر، 2002 الساعة 1:21 م #378998غزالةمشاركأولا أحيك ياأختى ثانيا أعترفلك انك كلك نشاط وحيويه الله يعطيك العافيه
وبعدين ويش هذا الجمال بصراحه عاجبنى توقيعك كثير كثير
26 سبتمبر، 2002 الساعة 4:00 م #379017نظرة غموضمشاركحياك الله عزيزتي غزاله
تسلمــين على هذا الكلام اللطيف
ومشاركتى ردودكم اللي تحليها
واحلى منك اكـــيد مــــافيتــحياتي …
نظرة غموض
26 سبتمبر، 2002 الساعة 10:53 م #379055North-Starمشاركإسحبها الموضوع مثير للضحك فعلاً بس ما كنت متوقع انك أنتي الي كاتبتنه
في تضارب شوي … أكيد فهمتني
ترترها
أخــــــــــــوك
North – Star27 سبتمبر، 2002 الساعة 11:07 م #379090نظرة غموضمشاركاهليـــن ا خوي North – Star
الا انا اللي كاتبته
حتى شوف خطيوبعدين حلو التضارب هذا ؟؟!!
اعتقد فهمت قصدي …تــحياتي …
نظرة غموض
-
الكاتبالمشاركات
- يجب تسجيل الدخول للرد على هذا الموضوع.