مداد الحال في حالي قصر لي وانتهى لي بعد
وماشي كالضرير اللي يدور في الدجى نوره
تعبت اعالي الهامه واتحمل ضياع العد
كسرت وماقدرت اجبر عذاب البعد في دوره
يادمي الدامع الدامي جرى لي من عيون الخد
توفى بداخلي الانسان وضيع له البخت شوره
سرحت بعالم ثاني وقلت ارتاح مني الصد
وليمن خطت اقدامي لقيت السجن في صوره
رجعت بغربتي لغربه وماادري من يهد الند
تعبت اشيد النسيان تهده الذكرى والصوره
اخاطب كل مافيك سنين معزتي والوعد
واخاطب فلب ام راح يبغي شوفة اطيوره
اخاطب فيك انسانة عثرها وقتها واجرد
كثر وجهي من البسمه بيغرق حزني فبحوره
رجوع الغايب الحاضر كتبته في جبين العهد
خلاص اللي قويته راح شقا عمري ولاشوره
طلبتك باقي اسنيني اشوف بهاالوجود السعد
ابي روحي كفا جسمي يعيش بعالم الصوره