……………………… جـسـد ……………………….

أمامي

أشوفِكْ .. ألبَسِكْ

يمكن أبوسكْ

كأني – وكلُّهم حولِك – حرامي

أمارس لعبة التسويفْ

إيْدِك من تمر ما بينْ …

يسكّرني احترامي

بعد ودِّي أشيل هدومْ

من حقّه القلب يتعبْ

يسولفْ .. يشتهي

يتحسَّس أعضائِكْ

ويتكسّر مثل موجهْ

على شفاهِك كلامي

يا قمره ..

ما نبتْ إلا صباحِكْ

يكفّيني احتفاءَ المشهد بكاسَ الورقْ

واغرقْ ..

أقلّ امن الصُورْ ..

واعمقْ

تجين .. أسرع من التفريطْ

غضّه بكل تفاصيلكْ

تناسقْ ..

والجسد نافرْ

يخربطني انسجامي

أمرّرْ ..

للشتات عيونْ ..

يتكرّرْ عبث صوتِكْ

هلا ..

صار النخيل أشقرْ

أبيّن لِك غرامي

للمدى في ضحكتكْ لعبه

ترفّق يالحاف ..

أسمرْ ..

أنا المبحوحْ

لا يُمكن أعدّي الليلة

تتعبني الأسامي

تبدّى الحسْ

أصابع ترفض الرحمه

كَذبْ أقدر على فقدِكْ

على بوحِك

على فضّ البريق البكرْ

ضامي ..

يا بنت عم المطرْ

ليه جيتي قدّامي ؟!