الرئيسية › منتديات › مجلس شؤون العائلة › قصة عن : عواقب الترقيم
- This topic has رديّن, 3 مشاركون, and was last updated قبل 21 سنة، 10 أشهر by
manar.
-
الكاتبالمشاركات
-
2 سبتمبر، 2002 الساعة 10:55 ص #11489
Polaris
مشارككان في بنت تعرفت على شاب من خلال الترقيم .. المهم وكانت البنت تدرس بالجامعه وكل يوم يوصلها ابوها للجامعه .. المهم في يوم من الايا م أصر عليها الولد يبي يشوفها .. قالت خلاص بس مره وحده واتفقوا انه يوقف ينتظرها بعد ما يحطها ابوها عند باب الجامعه .. المهم بعد ما حطها ابوها عند باب الجامعه وراح راحت البنت وركبت مع الولد السياره ومن باب الفضول مدت يدها تبي تسلم قالها الولد لا حنا المفروض الحين نستغفر عن جلستنا هاذي .. المهم البنت وثقت في الولد بقوووووووووه وهم ماشين بالسياره قالها وش رايك اخطبك من اهلك ؟!؟
قالت خلاص ووداها للجامعه مره ثانيه .. المهم البنت وثقت في الولد ثقة عمياء وصارت ما تمشي الا وتفكر فيه وما تدري المسكينه إن هذا الخائن ذئب بشري بيفترس عرضها .. المهم وفي يوم من الايام قالها باخذك علشان تشوفين الشقه الي بنعيش فيها إن شاء الله ..قالت : مو لازم الحين اذا خطبتني ان شاء الله تعالى
سوى الشاب نفسه زعلان وإن خاطره مكسور منها فرقت على حاله وقالت خلاص بكره بعد ما يروح ابوي تاخذني ونشوف الشقه .. الولد ماصدق من الفرحه وبغا يقتل نفسه واشرقت الشمس وجا ابو البنت الضعيف ونزل بنته وراح .. المهم راحت ركض لخويها وخشت السياره وريحت العطر مكتمه الجو قالت صباح الخير .. قال : يا صباح الفل والعنبر والياسمين .. هلا بالغاليه هلا .. وانطلقوا على الشقه وهم في الطريق عرض عليها انه يفعل بها الفاحشه والعياذ بالله .. وفي البدايه ما وافقت لكن بعدين أقنعها فوافقت !!
المهم راحوا الشقه وانتهك عرضها الخائن والبنت انفلتت بكاء والولد مايدري وش يسوي بها قالها : أنا رايح البقاله بجيب عصيرات واجي وسكر باب الشقه معه قالت طيب بعد ما سكتها .. المهم وهو رايح للبقاله عاد البقاله بعيده راح بالسياره المهم الولد مستعجل ماحط كل طبلونه وينفقع واحد من التواير وتتجلب السياره كم جلبه وتجي الشرطه ..
الولد بخير وما صار له شي .. المهم الشرطه اخذوا الولد للحجز .. الولد وش يسوي ؟!؟ البنت في الشقه والشقه مقفوله وأبو البنت بيجي ياخذها بعد كم ساعه .. المهم قعد يفكر ويفكر وجاته فكره انه يتصل بواحد من الشباب الي معهم مفتاح الشقه ويقوله القصه ويخليه يودي البنت بيتها .. اتصل بواحد من اخوياه وقاله القصه من طقطق ألين السلام عليكم ..
الولد قال : طيب خلاص ما يكون خاطرك إلا طيب وقعدت تدور في راسه ألاعيب وخطط وأنه يمسك البنت ويسوي بها مثل ما سوى خويه .. المهم واخذ سكين حتى يضمن أن البنت ما تقول لا ….. وراح الولد وفك باب الشقه البنت تحسبه خويها المهم الولد يوم شاف البنت بغا يغما عليه ؟؟؟؟؟!!
تدرون وش طلعت …. طلعت …..أخته … الولد مو مصدق نفسه قال انت يا كلبه يا خسيسه ؟!؟!؟؟!
قالت : اخوي تكفا سامحني .. والله ماعد أعيدها .. صفقها كف وقال : أنتي وامثالك محد يسامحهم ويطلع السكين ويطعنها في صدرها صرخت البنت صرخها هزت العماره وبعدين يوم انتهى منها وقتلها قام يصيح:
مات الخزي مات العار ماتت الفضيحه وطالع مع الدريشه الا واخويه جاي .. المهم اندس الولد ورا الباب وخش الولد وهو يصفر وينادي على البنت بسمها “رباب” وتفاجأ إلا وجثتها قدامه مضرخه بالدم وقعد يطالع مو مصدق نفسه !!وفجأة أخو البنت طب عليه من ورا الباب ومسكه من حلقه وقال يا خاين تدري من هاذي اللي انتهكت عرضها ؟!؟ قال : لا … قال : اختي … وغرز السكين في بطن خويه عدت طعنات ثم قعد على الكنب وإلا الشرطه طبو عليه ومافي يده انه ينكر الجريمه المهم اخذوه الشرطه على القسم وقال لهم كل شي …
المهم بعدها بشهر جا خبر وفاته في الجريده قصاصاً فلا حول ولا قوة الا بالله ..
القصه حقيقيه وليست من نسج الخيال ونقلتها لكم للفائدة .. لكن لي تعليق مهم وهو ان اخوها حينما قتلها ارتكب اكبر ذنب بعد الشرك الا وهو قتل النفس التي حرم الله الا بالحق .. ومن المعلوم ان دم المسلم لا يحل الا بثلاث … الثيب الزاني والقاتل للنفس بغير حق والمرتد …. فسبحان الله ثلاثة اشخاص قتلوا وتشوهت سمعة عائلتين بالزنا والسبب ورقة صغيره فيها رقم..
5 سبتمبر، 2002 الساعة 6:57 م #377515sraab
مشارك
اعوذ بالله من غضب اللهمشكور Polaris على هذا الموضوع وهذه القصه …..
هذا حال الدنيا هذه الايام كله فساد في فساد ……لكن ما نقول الا ان الله يستر علينا ان شاء الله …….
اتمنى ان يتعض اخواننا واخواتنا ويكفوا عن فعل المحرمات والرذائل
ومشكور مره ثانيه Polaris على هذه القصة اللي يكمن في داخلها الكثير من العضات والعبر
6 سبتمبر، 2002 الساعة 1:05 م #377548manar
مشاركالله يستر علينـــــــــــــــــــــــــــــــا وعلى جميع امة محمد(ص)
-
الكاتبالمشاركات
- يجب تسجيل الدخول للرد على هذا الموضوع.