السلام عليكم ورحمة الله وبركاته

هذه عبارة سلسلة أحداث بين الزعيمة و أحد أفراد مجالسنا

الهاتف : تررررررررررررن تررررررررررررررن تررررررررن (عاد ما هاتف تقول مطافي!! )

لينا: الووووووو ( هلا بهالصوت ولا صوت المطرب حكيم!! )
الزعيمة: هلووووووووووووووووو ( ما شاء الله علي طلعت أتكلم إنجليزي وأنا ما أدري!! )

لينا: بسم الله الرحمن الرحيم!!!!!!!
الزعيمة: مالش كذاك باااااااااااااااااااااه.. الناس تقول أول وعليكم السلام

لينا: ابوي تراش أنتي خرعتيني بذا الصوت اللي كنه…………………
الزعيمة: خرعتش؟؟؟؟؟؟؟؟؟؟ كنه ما عجبنش صوتي…………

لينا: انااااااااااااااااااااا …لا ابدا ( تبي تعطيني أبو لباس ) بالعكس صوتش يجنن يهبل يهوس يودي مشتشفى ابن سينا على طول…
الزعيمة: على طول ولا على عرض ….أقول الشيمة ترى سقف بيتنا بدا يتكسر فوق راسي..

لينا: هه هه هه هه هه هه هه هه هه
الزعيمة: وابووووووووووووش.. عاد ما ضحكة ذي ..تقول سيارة جزوز توربوووو…
المهم ..ما تخسريني واجد.. تراني اباش في موضوع مهم جدا وخطير وما يتحمل التأجيل أو المناقشة فيه ..وأريد رايش فيه .

لينا: خير إن شاء الله.. خبريني بسرعة.. تراش طيحتي قلبي … ايش عندك هناك…………
الزعيمة: هوووووووووووووء عليش ابوي صبري شوية.. شي كلام ما قلتية بعد…هوء هوء هوء.. المهم السالفة وما فيها أنا أريد اشتري سيارة جديدة..وبصراحة ما عارفة شو اخذ من السيارات ..ما اعرف شو رايش انتي بالموضوع؟ أي سيارة اخذ؟

لينا: وابووووووووووووووي عليش أنتي؟؟؟؟؟؟ والله ما عندش سالفة!!!
الزعيمة: مو هناك؟ مو صار؟؟

لينا: عاد هو هذا الموضوع المهم والخطير واللي ما يتحمل أي تأجيل؟؟ أنا على بالي حد ماااات (بعيد الشر ) ولا حد تزوج …ولا حد طلق……ولا حد سافر ولا…………
الزعيمة: بس ابوي يسدك … هو ذا بو يهمك أنتي في الموضوع.. بس مو أقول غير حريم!!! تو أنتي ما جوابتي على سؤالي شو اختار من السيارات؟

لينا:أقول مو رايش عربانة بو غمارتين (كما عربانة الندابي )؟؟ ولا سيكل بو جناح ؟؟ ولا أقولك أحسن شي اشتري جوتي ابو تواير..ترى هذي صارت موضة هالايام؟!
الزعيمة: تتمسخري حضرتك وأنا أتكلم جد وعم وخال…

لينا: والله ما قصدي بس أنا شو فهمني في هالسوالف.. أقول شو رايش تأخذي رأي الجمهور اللي في مجالسنا….

الزعيمة : والله كلامش صح.. عاد كل واحد يعطينا راية في الموضوع….شو رأيكم يا جماعة الخير………..

————————————————————————————-