عجيب الصرصور لديه امكانيات عجيبة غريبة

مثلا يقدر يدخل في فتحة حجمها اقل من حجمه بكثير … عشان كذا نلاقى الصرصور يقدر يدخل بين تشققات الجدار الضيقة جدا… (يعني ما يتعطل اذا لعب استغماية)

ايضا الصرصور يستخدم نظام معقد ليتحسس الموجودات التي امامه حيث انه بلا عين ولايرى … ومع ذلك فانك تتعب اذا طاردت الصرصور لأن قرون الاستشعار التي لديه حاستها قوية … فيستطيع ان يتفادى اي جسم يسقط عليه (عشان كذا تلاقي النعال ما تصيبه من اول مرة ولا ثلاث مرات بعد).

ومن قدرات هذا المخلوق انه يستطيع أن يعيش لمدة تسعة أيام بدون رأسه حتى يبدأ معاناة الموت جوعاً.

وايضا هذا المخلوق رقيق جدا … فهو يحب ان يتغذى على رموش العين عندما يكون قريب من انسان نائم أو ميت…. (الحين بتلاقي البنات ما بيهنالهن نوم)

وسمعت ايضا .. ان الصرصور هو المخلوق الوحيد الذي يستطيع العيش عندما تحدث حرب نووية…

والصرصور يا جماعة الخير نظيف حده … تصدقوا ان الصرصور بعد احتكاكه بالإنسان، يسارع الى مخبئه لتنظيف نفسه.. وهذي احدى اغرب واعجب مميزات الصرصور… (تلاقي الصرصور اذا شافنا يقول وعععع بشر)

الصرصور رشيق يا جماعة .. صحيح كرشته كبيرة وتلمس الارض.. بس ما تقلل من رشاقته لأنه قادر عليها مو مثل بعض الرياييل … ودليل رشاقته هي سرعته … المهم يقول لكم ان الصرصور الذي يعيش في المناطق الاستوائية تصل سرعته الى 36ر3 ميل في الساعة . . أي أنه يقطع مايوازي 50 ضغف طوله في الثانية الواحدة .. (يشخط شخط تقول فراري صغير)

فيه صرصور متلطم ليه ؟ حالق الشنب

في صرصور شاف زقة (الله يعزكم ويكرمكم) لاعت كبده وقال وععع… ليش؟؟؟ في شعرة فوق الزقة!!!

في صرصور يضحك لييييييييييش؟؟؟ الي يطقه احول!!!

صرصور راح سينيما اول ما دخل حطوا دعاية بف باف. قال: من اولها رعب.

فيه صرصور منوم في المستشفى وهو جالس جابو صرصور وحطوه جنبه قاله هاه يابو الشباب (ريد) والا (بف باف) قال لاوالله زنوبه هالمره!!!

في صرصور قاعد جنب بالوعة ليش؟؟؟ يتذكر ايام الغوص.

في رجال يجي يشتري خبز من عن الهندي. المره الاولى شاف في الخبز جناح صرصور وفي الثانيه شاف رجل صرصور والثالثه شاف راس صرصور فسأله الرجال:ليه كل مره اجي اشتري منك خبز اشوف عضو من اعضاء الصرصور ,قال الهندي:بابا انت في جمع كله لين يصير صرصور كامل بعدين يربح واااااجد خبز!!!

صرصور يبي يسكر دخل البقاله وقال للهندي لو سمحت واحد فليت

في صرصور تزوج نملة قالت له …! اكتب البالوعة باسمي

——————–

اسمعو نكتة الصرصور هذا .. جديدة ترى

في واحد بني آدم طول في عرض دخل بار … وكان طالع له في جبهته … لا لا مو فالول .. طالع له صرصور .. بالضبط في وسط جبهته… المهم شافه راعي البار وقال وهو مو قادر يمسك عمره من الضحك :”من وين جايب هذا؟؟؟ !!!! “… فرد الصرصور وكان زهقان :”والله ما ادري أنا طلعت لي حبة من ورى افتكرتها حبة شباب وصارت تكبر تكبر لين صرت جذيه”

اللي يقرأ الموضوع ويقول وعععع تراه ما عنده سالفة