- This topic has رد واحد, مشاركَين, and was last updated قبل 15 سنة، 4 أشهر by
.
مشاهدة مشاركاتين - 1 إلى 2 (من مجموع 2)
-
المشاركات
-
اول امس كنت عند ابو وليد في بيته. وكان وليد (اللي هو ولد ابو وليد عزيزي المتابع) جالس معنا في المجلس ويناظر فينا وكأنه يقول : وش الله بلاني بهالشياب. ومن منطلق اني امون على ابو وليد وبالتالي امون على وليد شخصيا, قلت خلني اعلم وليد انه صحيح احنا كهول او تقدر تقول شياب, لكن نعرف كل شي لاننا عندنا شي اهم وهو خبرة الحياة. وعشان كذا اذا جلست معنا عزيزي الشاب او الشابة بتتعلمون حاجات كثيرة ماتيجي الا بالخبرة. المهم فتحت السالفة مع وليد اللي عمره 15 سنة, وقلتله الحين وش هواياتك يا وليد. رد علي وعلى وجهه ابتسامه كأنه يبي يقول: وش يبي هالشايب الحين؟, رد علي وقالي انا احب العب كرة قدم وأحب الكمبيوتر. قاطعنا ابو وليد وقال: والبلاي ستيشن طبعا. وتذكرنا إني انا وابو وليد كنا محترفين في لعبة الأتاري. المهم, كلمة مني على كلمتين من وليد, دخلنا في تحدي على منو يفوز. عصبت على ابو وليد وولده وقلتله: قم جب البلاي ستيشن, على اللي مايكسر راسك في اللعبة اللي انت تختارها. قام الولد ,تقول كنه اسد استفزيته, وجاب البلاي ستيشن وبدينا نلعب مباراة. انا اخترت فريق تشيلسي وهو اختار فريق مانشيستر يوناتيد.
انتهت اول مباراة 10/0 لصالحه. وثاني مباراة 11/1 لصالحه, والهدف اللي احرزته مشكوك فيه.
المهم, انا من النوع اللي عندي روح رياضية, لكن الولد قام يتريق علي ويقول: ومسويلي فيها لعيب ومن هالكلام اللي ينرفز, قمت وعصبت عليه وعلى ابوه اللي ماعرف يربيه وماعرف يعلمه ان الشياب يعرفون كل شي. والمفروض انه يحترم هذا الشي وحتى لو اني ماعرف العب المفروض يخليني افوز عليه احتراما لي. لأنه ياخي هذي مب طريقة.
المهم, اني طلعت كذاب قدام وليد يوم قلتله ان الشياب يعرفون كل شي وان جيلنا احسن من جيلهم. والحقيقة جيلهم اذكى واكثر ابداعا وفيهم الخير والبركة ان شاء الله.
الله على الطرح الجميل..
اما هذي اللعبه إلي انت كنت تلعبها (البخ) والله ما شفت مثلها بحياتي..لعبه خطيره هههههههه..مسكينه العنزه اسميكم ما كنتوا مبقين فيها حليب ..هههههه
المهم الحين عشان لعبة البلاي ستيشن عاد قلت انه هالجيل الجديد يعرفوا اكثر من الشياب..والله الشياب فيهم الخير والبركه..صحيح انه الجيل الجديد إلي هو احنا..ما شاء الله علينا مثقفين متعلمين والخير فينا ..وجيل يعتبر ذكي..(عاد عن النفخه هههه)
المهم طرحك للموضوع جميل جدا اخي..
تقبل مروري…
مشاهدة مشاركاتين - 1 إلى 2 (من مجموع 2)- يجب تسجيل الدخول للرد على هذا الموضوع.
