الرئيسية › منتديات › مجلس أخبار ومقالات › اعطني حريتي

مشاهدة 4 مشاركات - 1 إلى 4 (من مجموع 4)
  • الكاتب
    المشاركات
  • 8 أبريل، 2009 الساعة 10:21 ص #109082
    هذيان كهل
    مشارك
    اتصلت علي كائنة بشرية من استراليا اسمها سوازانا اذا ماخانني التعبير. اتصلت علي على الموبايل وقالتلي انت ابو احمد قلت محاكيك (يعني اللي يتكلم معك). قالت: مبروك. قلت الله يبارك فيكي بس ماذكر اني متزوج استرالية عشان تقوليلي مبروك جالك ولد. قالت: لا يامعود انا اقولك مبروك انت مؤهل عشان تدخل في برنامج الهجرة الى استراليا واللي شركتنا العريقة تقدملك افضل الخدمات في هذا المجال. تذكرت اني من كم يوم دخلت خير اللهم اجعله خير الى احد المواقع الخاص بالهجرة الى استراليا وسجلت اسمي ورقم تلفوني. المهم عزيزي المشترك, انها قالتلي ابي اخذ معلوماتك وقلتلها: تفداكي المعلومات وصاحب المعلومات. وبعد ما اخذت سني وعنواني ورقم الفانيلة. قالت: خليني اقولك وش الخدمات اللي احنا بنعرضها عليك. اولا: خدمة في اي بي VIP . قاطعتها وقلتلها: بــس, انا ابي خدمة الفي اي بي هذي. قالت: ماتبي تسمع باقي الخدمات. قلت: لا انا انسان عندي جنون اضطهاد وعقدة نقص وحالتي تصعب على الكافر, مابي الا خدمة في اي بي, وبعدين انتي وش دخلك؟! انتي مجرد موظفة لاتزوديها لا اتصل على مديرك الحين وافصلك. شكلها خافت لانها قامت تضحك عشان تلطف الجو, وقالت: زين الحين هالخدمة يابو الشباب تكلفك 300 يورو. قلت: ادفع مايهمني. قالت: اجل هذا اسم المستخدم والباسوورد ادخل للموقع وادفع القريشات هناك وبعدين انا بدق عليك. قلت: يصير خير وقفلت هي السماعة قبل ما اسألها اذا حولها بنيات للزواج.
    المهم عزيزي المشترك, دخلت ودفعت الـ 300 يورو وسجلت اسمي وردت اتصلت علي وقالت: الحين بعد مادفعت, ازهلها علينا حنا نعرف وشلون نجيبلك فيزا الهجرة لاستراليا. والحقيقة حسيتها اخت رجال وتتكلم بثقة. وقلتلها كفو والله يا سوزانا.
    لكن بعد ما خلصت المكالمة قعدت اسأل نفسي: هو من صدقي بهاجر؟! خلاص يعني مافي امل اعيش في موطني ومسقط نافوخي؟! الحقيقة اني بالفعل مابي اعيش هنا خلاص. ابي اروح لبلد يعاملوني فيه على اساس اني كائن بشري. ابي اروح لأي مسؤول واقوله انه غلطان من غير ما يحقد علي ويوقفلي معاملتي. وأبي اتزوج من وحدة من غير جنسيتي بدون مايقولون لا تحتاج تصريح والتصريح عند النجار والنجار عند الخباز. ياخي ابي اعيش في بيت على قد دخلي من غير ما يضحك علي المجتمع ويقول: بالله شوف البيت اللي ساكنه كنه قوطي طماط.

    ياخي فكونا خلاص خلونا نعيش حياتنا زي مانبي. على قول المغنية المشهورة أعطني حريتي اطلق يديا

    8 أبريل، 2009 الساعة 12:02 م #1261661
    Al-Manar
    مشارك

    الله عليك اخي في طرحك للمواضيع..عليك اسلوب شيق..

    بس انا بصراحه اعارضك..يعني اذا الواحد بيروح يعيش خارج بلاده بيرتاح؟؟!!وبتعيش بحريتك؟؟! تراها نفس الحاله..سواء خارج البلد ولا داخله..

    صحيح ان الحريه مقيده..والواحد ما يقدر يعبر عن اراءه على كيفيه..خاصه اذا قلت لمدير عملك انت غلطان..عاد جهز نفسك يطلعوك من الشغل بعد ثواني..

    لكن ما في احلى من العيشه بالبلد الاصل مهما صعب الحال الواحد يتحمل..

    لكن اذا تبا تسافر وتزوج استراليه..بالبركه ههههههههههه

    ربي يوفقك..

    تقبل مروري اخي الكريم..

    9 أبريل، 2009 الساعة 9:11 ص #1262241
    هذيان كهل
    مشارك

    انتِ دام قلتي تحمل ووطنك وهالكلام أكيد مسؤولة في الدولة. أنا عارف حركات المسؤولين زين

    9 أبريل، 2009 الساعة 9:22 ص #1262244
    Al-Manar
    مشارك

    صاحب المشاركة : هذيان كهل”ubbcode-body”>انتِ دام قلتي تحمل ووطنك وهالكلام أكيد مسؤولة في الدولة. أنا عارف حركات المسؤولين زين

    الكاتب
    المشاركات
مشاهدة 4 مشاركات - 1 إلى 4 (من مجموع 4)
  • يجب تسجيل الدخول للرد على هذا الموضوع.

يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافق إقرأ المزيد