عزيزي حارس ..

إذا كان بيدك القلم ..فأكتب ما شئت..

وإن كانت يدك خالية ..فإما ان تبسطها… وإما ان تجعلها تنقبض ..!

ولك الخيار بما يناسبك !

لا … والواحد يعطوه رقم أحادي و يحجزوله ثلاثة ارقام غيرهن ليما يطلع هو ولا اولاده سياره غيرها

اذا كانت هذي الشرطه ………..

لو قارنت عدد السيارات الخاصه (لوحه صفراء) في السلطنه مع الرمز اللي واصلين له الحين ….

رح تقول ……………..

الأخ حارس

أعتقد إنك نسيت الكثير من الارقام الاخرى !!! ليش مركز على ارقام السيارات بس ؟

تعرف إنه الحين كل أنواع الأرقام (الحلوه طبعاً) في العالم يحتاج لها واسطة علشان تحصلها ؟؟

تعرف إنه هناك مصالح ومشاكل تحدث والسبب هذه الارقام ؟؟

تعرف إنه أموال طائله تتسرب عن طريق هذه الارقام ؟؟

والكثير الكثير الذي لا يحصى ولا يعد بسبب هذه الارقام “وجع الرأس” !!!

أنت جالس تتكلم عن أرقام السيارات ؟؟؟؟

إيش رأيك في هذه الأرقام :

أرقام الهواتف (المنزلية أو الجي أس أم وحتى أرقام حياك ) ؟؟ ترى ماعليك من سوالف إن هذه الارقام لازم تدفع عليها فلوس !! يعني سوالف الأرقام الماسيه والذهبية والفضية علينا نحن بس , لكن الهوامير يعطوهم قائمة ماسيه يختارو منها وبدون مقابل !!! بس كله علشان سواد عيونهم !!

وأزيدك من الشعر بيت !! حتى أرقام الجوازات بالواسطة الحين !! يعني إذا تريد رقم أو رقمين حال جوازك ! لازم تعرف ضابط هاموور في الهجره والجوازات !!! ولا راح يكون رقم جوازك مخلوط أكثر من سلطة الفواكه

تعال نسيت شي بعد !! هناك أرقام صناديق البريد !!! إلي عنده رقم وإلي عنده رقمين !! تعتقد إنه هذك الارقام بدون واسطة ؟؟!!! أبوي سوالف الارقام في كل شئ الحين أخاف يوم من الأيام الهوامير يريدوا واسطة حال أرقام ملابسهم أو أرقام مقاسات نعلانهم

أرقام أرقام أرقام !!!!! صدقني كله مرض في مرض ياخي هذه الارقام ما قايمات يزيدن من شخصية الواحد وفي نفس الوقت ما قايمات ينزلن من شخصيته !!! يعني خليهم يكحلو عيونهم بهذه الارقام ما لازم نتكحل معاهم

الـــــــمرصــــــاد

يا جماعة الخير ….. هدوا شوي …. السالفة ما مستاهلة كل هذا … ترى مجرد رقم لا راح ولا جاي

القناعة كنز لا يفنــــــــــى

صحيح أن كل واحد منا منتيته اقتناء حاجة تميزه عن الغير .. لكن عااد ما فرقــــــــــم

تعال شوف رقمي أنا المسكيــــــــــن …. لا رقم زيـــــــــــن ولا رمز غاوي

تصدقوا اني يوم رحت اجدد السيارة بعد صدور الارقـــــــــــام …. قداااااااااام عيناي … يتبادلوا الارقام … وكل واحد يقول اللي في خاطره ….. لكن هانت نفسي أن أتواطأ أمام هؤلاء واقول لهم ممكن

رقم واسطة أو كشخه …… مع رمز محترم

لا يغرك المظهر ……

خل عينك على الساس

كل واحد بأصـــــله …….. يتعامل معه الناس