هذه بعض ا لابيات التي خطها قلمي معانقا لقلم بدور

تعاونا في نسج هذا الحوار

نتمنى ان ينال على الاعجاب

حنين

اسمعي قصة جروحي…….يمكن انتي تفهميني

اسمعي اهات روحي………اسمعي وش يحتويني

بدور

هذا قلبي بين يدك……..يلا قولي اشكي همك

هذا حزنك وسط عينك…..مثل ماهو يحتويني

حنين

اسمعي مني بدور………صرت مجروح الشعور

كم غرقت انا في بحور….وانزفت دمعات عيني

بدور

كفكفي ذيك الدموع……..واضوي من حولك شموع

انا من همي الــــوع………ومحد ابد يراعيني

حنين

صرت اشكي من سنين…….اشكي وبقلبي انين

صرت هيمان وحزين……….وهذا قلبي يشتكيني

بدور

عرفيني لو بهمس……..باللي خطف قلبك امس

وضحي لي وضوح شمس…..لاتهابي علميني

حنين

من زمان انا هويت….وبشجوني ما حكيت

حب غيري واشتكيت…….صار يتناسى حنيني

بدور

هذا كله في صميمك …….. ياعسى ربي يعينك

من هو سبب في فؤادك…..جرح ثاني خبريني

حنين

وهذا ثاني صرت احبه…….ما ادري والله وش بقلبه

كم قصيده تحكي حبه…….ياترى هو يحس فيني؟؟؟

بدور

لا تيعيشي قلبك بحب جديد….من طرف واحد وحيد

وان كان قلبك له يريد……صارحيه بدون خوف وصارحيني

حنين

واعترض دربي ثنين……..كل واحد يبغي قلبي والعنين

وين اروح دليني وين؟…..(ه)و(م)والمحبه ما بايديني

بدور

ابتعدي عنهم وبسكون……… تراهم والله يلعبون

وبعد مده كل يخون………….اتركيهم واسمعيني

حنين

وهذا (س) ذوبني………وانا اعرفه ويعرفني

بحروف شعره صوبني….واحس حبه يحييني

بدور

ترى اسطوره مزيونه…….ويريد يولهك لعيونه

وادري حروفه مفتونه…….مجرد ابيات صدقيني

حنين

هذي ترى بعض الجروح……ساكنه فيني ماتروح

وبغيرها ما اقدر ابوح……….وكلها جروح تكويني

بدور

لا تهمك مآسيهم……..ومن بالك شيليهم

ومن اليوم اتركيهم….هذا نصحي وافهميني

حنين وبدور