الرئيسية › منتديات › مجلس الثقافة الأدبية والشعر › فوق فوق ذاك منزله …. هذا هو ولد(؟؟؟؟؟؟؟؟؟)
- This topic has 4 ردود, مشاركَين, and was last updated قبل 22 سنة، شهر by جاسم آل محمد.
-
الكاتبالمشاركات
-
27 مايو، 2002 الساعة 7:36 ص #10340حنينمشارك
ابيات الشعر اخطها واربطها وانسجها للقبيله اللي
احبها وانتمي لها الشحي
وعلى الله تنال اعجابكم ……….
*******************************
فوق فوق ذاك منزله……..هذا هو ولد الشحوح
الغالي للزين يبذله………..ومسكنه فوق السفوح
خشمه ابد ماينزله……….وباللي بنفسه مايبوح
في الفرحه تعرف ندبته……..وفي حرب تدمي الجروح
**************************
فوق فوق ذاك منزله……..هذا هو ولد الشحوح
وما يرد من يساله………..وبالكرم بنى الصروح
وحرف قاله ماينزله………وبالاراده هو يلوح
اسمع بس عن شهامته……..بتلقاه انسان طموح
**************************
فوق فوق ذاك منزله……..هذا هو ولد الشحوح
اسال بس كرامته…………بتشوفه انسان طموح
عد الكرم من هيبته…………وبالكرم ترى نفسه تلوح
ان قال حرف يثبته…………وضد رايه محد يروح
**************************
فوق فوق ذاك منزله……….ذاك هو ولد الشحوح
كلامه دوم يضبطه………..ولسانه بالحب يفوح
وشعري في الشحي اكتبه…….وانسجه فوق السفوح
وارسم البيت واثمنه……….وانا بنت هالشحوح
************************
فوووووووووق فوووووووووق ذاك منزله
هذااااااااا هوووووووووو ولد الشحوووووووح
************************حنين
27 مايو، 2002 الساعة 11:32 ص #369618جاسم آل محمدمشاركشعور جميل للإنتماء لهذه القبيله التي عشت وترعرت بين أفرادها , فمن أحب معرفة الشحوح فليتفضل لزيارة موقعهم http://www.move.to/sh7oo7
تشكري أختي حنين ودام راس الشحوح عالي فوق……..
فهل لي بمناوشه كلماتك…..*******************************
فوق فوق ذاك منزله……..هذا هو ولد الشحوح
الغالي للزين يبذله………..ومسكنه فوق السفوح
خشمه ابد ماينزله……….وباللي بنفسه مايبوح
في الفرحه تعرف ندبته……..وفي (( معركه ))تدمي الجروح
**************************
فوق فوق ذاك منزله……..هذا هو ولد الشحوح
(()) ما يرد من يسأله………..وبالكرم (( يبني )) الصروح
وحرفن قاله ماينزله………و بالاراده هو يلوح
اسمع بس عن (( عزته))…….. (( عن هيبته و الطموح ))
**************************
فوق فوق ذاك منزله……..هذا هو ولد الشحوح
((اسال بس كرامته…………بتشوفه انسان طموح ))…..يكسر المعنى وبه تكرار…
((عد الكرم من هيبته…………وبالكرم ترى نفسه تلوح ))…يحتاج لنظرة أخرى….
ان قال حرف يثبته…………وضد (( رايته))محد يروح
**************************
فوق فوق ذاك منزله……….ذاك هو ولد الشحوح
كلامه دوم يضبطه………..(( وكلمته مجدن تفوح))
وشعري ((شحي))أكتبه…..وانسجه فوق السفوح
وارسم (( قصيدي واوزنه))…….(( وانا ترا بنت الشحوح ))
************************
التصليحات المقترحه وضعتها بين أقواس..أرجو ان تعجبك وانا عند وعدي…27 مايو، 2002 الساعة 11:40 ص #369620جاسم آل محمدمشارك
وهذه الكلمات نسجتها حروف أصابعي لمسندم و الشحوح..أرجو ان تعجبك…
فيها البحر والرمال..منوره وقت الزوال ضاحكه الكل زاير………دارنا روووس الجبالهي مشرقة وقت الغروب وقايله بصوت الهبوب مرحبا باهل الجنوب……يا هلا باهل الشمال
هي عاشقه وجه المسافر لي ارتوى بماضي وحاضر تكرمه ولو كان عابر..كاسمى تحضن هلال
عيال مالك و الشحوح شيدوا فيها صروح ومجدهم عطرن يفوح ….مجد قسوه مو دلال
دارنا دار النشامه وجرزنا عاش احترامه و لبسنا لبس العمامه..وجارنا يلبس عقال
والكرم في كل حلّه ابكل مجلس تلقى دلّه وخير ربي ما نملّه..نشكره ابكل حال
يا مسندم انتي كلي انتي قلبي انتي خلي انت امي و كل اهلي..واهجرج مافي مجال
دار شحي يا جماعه حبها ماهو اصطناعه ولا نبيعه كالبضاعه…بل ننادي بالوصال
27 مايو، 2002 الساعة 12:22 م #369621حنينمشاركشكرا لك يا اخوي جاسم ال محمد على تعديلك والصراحه
تعديلك للابيات روعه
*************************
اما بالنسبه للابيات اللي كتبتها فهي ليست رائعه وجميله
انما هي غاية في الروعة والجمال
وبصراحه اثارت اعجابي وفخري في
نفس الوقت
الى الامام
*************************
حنين27 مايو، 2002 الساعة 1:04 م #369622جاسم آل محمدمشاركWelcome any time
-
الكاتبالمشاركات
- يجب تسجيل الدخول للرد على هذا الموضوع.