عشر مرات

تـلاقينا عـشر مـرات صـدفة تخلق استفهام

وقـف كـانه ظـبي فازع ودار بوجهه ينصاني

يـناظرني بـطرف عينه كاني مرتكب اجرام

ويـغمز صـاحبه جـنبه يـقول المجرم الجاني

يـلاحقنا مـثل طـيف الـخيال وفزعة الاحلام

وانـا مـسكين مـا ادري اسير بدربي الثاني

بـرئ وصـافية نـيتي ولا انـي في المكر عوام

خـطاي ان الـقدر حط بطريقي شوك ادماني؟

خـطاي ان الشمس تشرق علي والقمر ما نام

خـطاي الليل فيه نجوم وفيها تصرخ احزاني

تـلاقينا عـشر مـرات ما لي في القدر اسهام

صـحيح انـك جميلة بس ما حركتي شجاني!!!!

انا مااتبع صغيرالصيدولا صقري تبعك و حام

ولا ارمـيت لـك طـعم يجيبك غصب لي عاني!!!

انـا لو صرت لي صيدي ما اروح لساحر وعلام

انـا سـهمي اعرفه زين ما يخطي على لساني

تـلاقينا عـشر مـرات وفـيها حظكم ما قام

يابنت الناس عن حسنك ماادري ويش اعماني

نـصيحة ردي النظرة ترى هذه بقايا اوهام

وخـلـيني مــع غـيرك اقـلب دفـتر ازمـاني

مورد الضامي