الرئيسية › منتديات › مجلس الثقافة الأدبية والشعر › @@@وصيـــــــــــــــــــــة@@@
- This topic has رد واحد, مشاركَين, and was last updated قبل 22 سنة، 4 أشهر by جاسم آل محمد.
-
الكاتبالمشاركات
-
18 مايو، 2002 الساعة 5:25 م #10246alaraimiمشارك
الشعر اللي بكتبه لازم تعرفون قصته قبل لا تقرونه :
واحد اسمه خالد جاه مرض و قالوله انه بيموت
كتب الشعر لصديقه يقول له فيه
انه يحب حبيبته و يبي من خويه هذا انه يخليها تنساهاقرأ القصيده والله تستاهل … وراح تعرف معنى الحب الصادق
——————————————————————————–
وصاتي لك من بعدي …….. تموت فيها علشاني
ابيها تعيش و تحيا بك …….. واظل بالذاكره مفقود
وصاتي لك تنسيها …….. ملامح وجهي و تنساني
وتعزفها قصيدة حب …….. على عكس اللي عزفته بعود
وصاتي لك تبعدها …….. عن اشعاري وقيفاني
تراها مغرمة بالحيل …….. ويشهد لي عدد الردود
وصاتي لك تسايرها …….. ترى فيها من احزاني
طلبتك لايضيق بالك …….. طلبتك والطلب مردود
وصاتي لك تناديها …….. حياتي..عمري..ازماني
انا عودتها دايم …….. ادلعها وانا موجود
وصاتي لك تعاملها …….. بطيبه قلب و احساني
تراها تذرف الدمعه …….. ودمعتها بليٌا حدود
وصاتي لك تحفظها …….. سور وآيات قرآني
وتخبرها عن الميت …….. رحل لايمكنه بيعود
وصاتي لك ترسمها …….. على قبري وأكفاني
ابيها لوحة تبقى …….. على طول الزمن محدود
وصاتي لك تمازحها …….. وتشوف الضحكة بأسناني
سعيتك ياضحك هالكون …….. طلبتك لاتصير جلمود
وصاتي لك تقهويها …….. من دلالي و فنجالي
تراها تعشق السمرا …….. ويكفيها دخون العود
وصاتي لك تركبها …….. على خيلي و على حصاني
وربي فارسة من قلب …….. شهادة ماهي لشهود
وصاتي لك تسفرها …….. بلاد الشام و لبناني
ترى يحلالها تقطف ورده …….. وردة من بلد الورود
وصاتي لك تراقصها …….. على الحان رحباني
ترى فيها عرق خالة …….. وفيها من جنون السود
وصاتي لك تحببها …….. فأبونورة بعد هاني
وتنسيها ندم غلطة …….. انا فيها ترى المقصود
وصاتي لك تكرهها …….. في تاريخي و عنواني
أبيها تلعن اللحظة …….. وتلعن كل فرح موعود
وصاتي لك تكلمها …….. عن المجني وعن الجاني
وتخليني انا الظالم …….. وانا من حرق الاخدود
وصاتي لك تشبهني …….. بدم أحمر قاني
وانا هالقاتل السفاح …….. مجرم من عصر نمرود
وصاتي لك تحلفها …….. تتوب تحبني ثاني
ترى يكفيها ماعانت …….. ويكفي حيلها مهدود
وصاتي لك تنسيها …….. وصية قالها لساني
أنا اخبرك رجل موقف …….. وانت قدها وقدود
صديقي مالقيت غيرك …….. يعرف وشلون تنساني
أمانه ضمها بقلبك …….. ترى خالد….رحل مايعود
18 مايو، 2002 الساعة 5:40 م #368894جاسم آل محمدمشاركالسلام عليكم ورحمة الله وبركاته , لا أدري ما يستطيع ان تخط اناملي هنا , ولكن قصة خالدك هذه ذكرتني بقصة صديقي العزيز … , وقد كتبت له قصيدة اناوشه بها , فهل لي أن أرد على كلماتك بشيء بسيط من خلجاتي….
ألا يا صاحبي خالد طلبتك كف لحزاني…طلبتك كف ها الدمعه واسمع مني بوح اردودصعب تنساك وما أقدر أكون بقصتك جاني…أنا صاحب يحب صحبه ولا قاسي شرات جلمود
عزيزي كفكف الدمعه وعش ابدنيتك هاني..أجل يومك صحيح قرّب وانا يومي مهوب مردود
تبيني أجرح إحساسي بعد عشره بها إحساني..حشاني ما أذمك يوم ولو كان الجسد مفقود
-
الكاتبالمشاركات
- يجب تسجيل الدخول للرد على هذا الموضوع.