ولا تظنين الليالي غيرت شي في الصفات
فيك حبيت الوفى وحبيت شامات الخدود

وفيك حبيت الوصايف والعيون الزاهيات
وفيك حبيت الشفايف طعمهن طعم الورود

وفيك حبيت الخصال الحلوه يا زين البنات
وفيك كل الزين في اسمك حياتي يالعنود

حبك بقلبي انزرع ما يحصده الا الممات
ما يغيرني صدودك ما حلا فيك الصدود

وما حلا زولك وطولك شوفك احلى الامنيات
والله انك في كياني ساكنه سكن الخلود

والله انه حبك اسعدلي جميع الامسيات
وكم تمنيتك بقربي باقيه مالك ردود

وكم تمنيتك نصيبي ونحكي بالمر ذكريات
واتمتع في حياتي اعيش ايام الركود

في غرفتي اتخيلك في كل ركن من الجهات
في يميني او شمالي في نزولي والصعود

يا حديقه زاهيه مزروعه بانواع النبات
يا عطر ماله شبيهآ حتى في ارض الهنود

في ناظري ما تحاى في عيني جميله او زنات
لا سهاد ولا اماني ولا اميره ولا خلود

بس ضحى الايام تحلالي وفي عيني تبات
قمر ياضي في حياتي والنجوم احسن شهود

بقلم رياض العاشق