- This topic has 6 ردود, 4 مشاركون, and was last updated قبل 22 سنة، شهرين by
.
-
المشاركات
-
اهداء خاص لأحد الخريجين من الجامعة لهذا العام : ص م س الربيعي
حبيبي قارب فراقه . . وحانت ساعة وداعه
… … … … … وأنا باقي على حبه .. وأرقب من يعــــزيــنـي
أمش الدمع من عيني .. وعيني دوم دماعه
… … … … … تنوح وتبكي فراقه .. ونار الشوق تــكــويــنــي
وأشوف الحزن بي خيّم .. وعمري يطوي شراعه
… … … … … وغيمة حسرتي تمطر .. وسـهم الموت يـرمـيـنـي
يمر الوقت يا طوله .. أشوف الثانية بساعة
… … … … … ويا بخت الذي يسكن .. مكانه في وسط عـيـنــي
حبيبي دايم في بالي .. حفيظ السر ما ذاعه
… … … … … ولـكن القــدر حــتـّــم .. عليه اليـــوم يـجـفـيـنـي
أحبه موت من قلبي .. وأدري النفس طماعه
… … … … … ولـكن لـو تـصبـرهـا .. بـتـقـنـع يـا نظـر عـيـــنـــي
فمان اللـــــــــه يا خلي .. عسانا نلتقي رباعه
… … … … … ويـفـرح قـلـبـي بـشـوفـك ..وأهـنـى باقـي سـنـيـنـي
مع تحاتي لك بالتوفيق والسداد
وسلامتكم
هلا باللي رفع راسه ولا سلم على رباعــــه……..هلا بمطول الغيبه هلا باللي يجافيني
هلا بفيصل الشملي هلا باللي سطى باعه……سهام عشقك تناوشني ترجع ذكرى تبكيني
بغيت آقول يا الطيب ترى ها الإذن سماعــه…….تريد تطرب بأشعارك تريد تقول سلّيني
واريد آقول يا فيصل عليك بالدين والطاعــه….لجل تذكر حبيب الروح لي هاجر و بكى سنيني
أنا مثلك بكيت الدمع بكيت الهم بلوداعـــــــه….وهو هاجر بلا رجعه و خلا دمعتي بعيني
هلا بك ياعزيز النفس .. هلا يا سيد القاعه
…………………… هلا يا ناظم اشعارك .. ردودك دوم تلـفـيـنـي
ولكن انتظر شوفك .. وأبغي صوتك اسماعه
…………………. لأن الرد يا جاسم .. على الشاشة يشقيني
أبي أسمع من أشعارك .. لأن النفس ملتاعه
……………….. تحب الشعر وفنونه .. ونبــــع الشعـــر يـرويـنــي
ولا تحسبني أتكبر … ترى الأوهام خداعه
………………… أنا متواضع لربعي .. وأشوف ان الكبر شيني
ولا أنظر لبعض الناس .. ولو يا صاح لماعة
……………………. وأنا ريتك عزيز الروح .. وفيك الطيب والزيني
ولي يجهل به الخاطر .. يراعي عنه أوضاعه
………………. انا يا صاحبي صابر .. وحكم الرب يرضيني
……………….. وسلامتك ………………
هلا بمالك الكلمة هلا يا مرحبا الساعه………….هلا بصاحب العزه…. نظم شعرك يغنيني
صحيح ردك جدى صوبي ولكن نفسي طماعه..تبي تهمس بكل شوقي تقول فيصل هلا عيني
أنا شرهان بس شوي لجل تذكر كل رباعه…. وبغيت اقول يا فيصل ..ترا همسك يسلينيمرحبا بخوي فيصل الشملي , يا خوي مافي زعل بين الإخوان بس شوية شره ولكن معذور ترا ها اليومين إمتحانات و عفستها , ونحن ما انتلاقى الا مارين بسيارات يعني طيط طيط…
السلام عليكم
أخي جاسم .. لا تزعل مني ترى هالدنيا تشغل الواحديا جاسم صدق لا تزعل .. ترى الأيام كالساعة
………………………… تمر بسرعة الدنيا .. تفرق بين الإثنيني
دراسة ونوم ومداور .. وتالي الليل سماعة
…………………………… على الهاتف أنا جالس .. أرمس من يواسيني
وتشرق شمسه الباكر .. على أوهام خداعة
………………………….. أكرر نفسه الموال .. وأشوفه صار روتيني
وأخطر بلوة العاشق .. إذا من يعشقه باعه
…………………………… وخان الود وتناسى .. وقال اليوم يكفيني
وسار يلاحق دروبه .. وسري للملا ذاعه
……………………………. وأنا حافظ له أسراره .. وأقابل شينه بزيني
وأقول الدنيا دوارة .. ومهما لفف قناعه
…………………………….. مصير الوقت بيخونه .. وباكر حيل يبغيني
يجي له يوم يتندم .. وأشوفه يعضض أصباعه
…………………………. ولكن وقتها يا خوي .. بترفض شوفته عيني
السلام عليكم…..الصرحاة تقال………..اشعارك يالشملي تراها ماعليها زود وتهيض هاوي الشعر الغرامي وايضا الاخ جاسم يجفل الخيل لي سمعة اشعاره.]
اسمحولي لم استطع ان اكتبر زيادة ،لانه كما عارفين الامتحانات …. الامتحانات.
- يجب تسجيل الدخول للرد على هذا الموضوع.